الإثنين , أكتوبر 21 2019
الرئيسية / قصائد / كلمات شيلة فلاح المسردي طال صبري

كلمات شيلة فلاح المسردي طال صبري

كلمات طال صبري والشتا ليله طويل
فلاح المسردي

طال صبري والشتاء ليله طويل
وانتهيت وعادني في بدايته

الدقيقه فيه عن عشرين ليل
عند من شوفة حبيبه غايته

والوله ما يعرف الصبر الجميل
شف تقاسيم الحزن في مرايته

احسب ان مافيه شي مستحيل
يمنع احلام السنين الفايته

لين شفت الصبر تأثيره قليل
لو مشى المشتاق تحت وصايته

ياظروف الوقت والوقت البخيل
الصبر لاطال ويش نهايته

حسبي الله فيكم ونعم الوكيل
خلو الولهان يرفع رايته

طال صبري والشتا ليله طويل

البطا عن شوفة الطرف الكحيل
شعرة في نون عيني بايته

واللقا لحظه وانا عابر سبيل
ما اغبط فيه الملك وحمايته

قالوا اصحاب الهوى خلك ثقيل
قلت هاتوا لي حديثه وآيته

كيف يثقل عاشقن قلبه هبيل
ماهو بكيفه ولا بدرايته

ما وراكم غير قال وغير قيل
الله يهديكم وانا بهدايته

اتركوني لو تشوفوني قتيل
كل قلب ورغبته وهوايته

ياحبيبي لك ورى قلبي مقيل
بعد حفظ الله وبعد رعايته

والله ان مالك شريك ولا بديل
يا بدايه حبنا ونهايته

طال صبري والشتا ليلة طويل
وانتهيت وعادني في بدايتة

عن بنت ابوها